Байдал хүндэрсэн тул Улаанбаатар, Орхоноос НЭМЭЛТ ХҮЧ дуудлаа

З.Тэмлүүн | Zindaa.mn
2022 оны 12 сарын 01


Дархан-Уул аймгийн Дархан сумын 3-р багт байх “Тэс Петролиум” ХХК-ийн 2000 тоннын багтаамжтай АИ-92 шатахууны нөөцийн сав өнөө өглөө 09:00 цаг өнгөрч байхад шатаж, гал гарсныг унтраахаар ажиллаж байна.

Гал ажилчдын ээлж солилцох үед гарсан бөгөөд тухайн үед байсан гурван хүний нэгийг олж, эмнэлэгт хүргэсэн ч амьсгал хураажээ. Бусад хоёр хүн олдоогүй байгаа гэдгийг эх сурвалж мэдээллээ.

Дуудлагын дагуу Гал түймэр унтраах, аврах 22, 54, Сэлэнгэ аймгийн Онцгой байдлын газрын Гал түймэр унтраах, аврах 19, 61 дүгээр ангийн алба хаагчид үүрэг гүйцэтгэж байгаа ч гал унтраахад 3000 тонн хөөс шаардлагатай болж, хүндрэл гарсан учир Улаанбаатар хот болон Орхон аймгаас нэмэлт хүч дайчилж байгаа аж.

Гал айл өрх рүү орох магадлал харьцангуй бага ч эрсдэлээс сэргийлж, ойролцоох айлуудыг нүүлгэн шилжүүлж эхэлжээ. Галын шалтгаан одоогоор тодорхойгүй байна.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (192.82.84.108)  2022 оны 12 сарын 01

Хөөс дутдаг өрөвдмөөр юм бэ. Хүний алтан амь шүү дээ.

0  |  0
иргэн (202.126.90.100)  2022 оны 12 сарын 01

Хэцүү юмаа. Яагаад гал гарах болов, шалтгаан бгаадаа. Ард иргэдээ сонор сэрэмжтэй, хариуцлагатай ажиллах хэрэгтэй

1  |  1
зочин (103.229.120.39)  2022 оны 12 сарын 01

Хүнд хэцүү зүйл тохиолдож ээ. Амь насаа алдсан хүний гэр бүлд мэдээж хамгийн хэцүү байгаа. Харамсалтай байна.

2  |  0
Top