С.Энхболд: Олон нийтийн арга хэмжээ зохион байгуулахгүй байхыг уриалж байна

УОК-ын өргөтгөсөн хуралдаан өнөөдөр /2022.11.22/ боллоо. Хуралдаанаар цаг тахлын өнөөгийн нөхцөл байдал, өвөлжилт, ургац хураалтын дүн мэдээг хэлэлцсэн байна. 

ЭРҮҮЛ МЭНДИЙН САЙД С.ЭНХБОЛД:

-Цар тахлын 6 дахь давлагаа эхэлж байна. Омикрон дэд 2 хувилбар тархаж эхэлсэн. ХӨСҮТ-өөс сар бүр вирусийн тандалтын судалгаа хийдэг. Өнгөрсөн долоо хоногийн өнөө үетэй харьцуулахад эерэг хариу эрс нэмэгдсэн. Арваннэгдүгээр сарын 19-нд хамгийн өндөр тоогоор буюу 252 тохиолдол эерэг гарсан. ХӨСҮТ-ээс олон нийтийн арга хэмжээ зохион байгуулахгүй байх дотоод орчинд маск зүүх зөвлөмжийг өгч байгаа. Тиймээс ард иргэд дотоод орчинд маскаа тогтмол зүүж, өөрийгөө хамгаалах арга хэмжээ авахыг уриалж байна. Мөн томуу төст өвчний вакцин хийж эхэлсэн.

Коронавирусний сүүлийн долоо хоногийн тоон мэдээлэл 

Өнөөдөр Улаанбаатар хотод суурин 103 цэгээр 103 багийн 430 эмч, ажилтан ажиллана. Та өөрт ойр вакцины аль ч цэгт очиж коронавирусийн эсрэг дархлаажуулалтад хамрагдах боломжтой.

Дархлаажуулалтын цэгүүд 09:00-16:00 цаг хүртэл ажиллана.