УВС: Мал бүхий иргэдийн амьдрах бүсийн цахилгааны асуудлыг шийдлээ

Увс аймгийн Улаангом хотын төвд амьдарч буй мал бүхий иргэдийг аймгийн төвөөс гаргах төлөвлөгөөт ажил хийгдэж байна. Тус төлөвлөгөөний дагуу мал бүхий иргэдийг амьдруулах бүс нутгийг тогтоосон бөгөөд Эрчим хүчний сайдад тус бүс нутгийг цахилгаанаар хангах асуудлыг удаа дараа тавьсны үндсэн дээр шийдвэрлүүлж чадсан байна. Ийнхүү өчигдрөөс /2022.10.31/  мал бүхий иргэдийн суурьших бүсийн эрчим хүчний асуудлыг шийдвэрлэж эхэлжээ.

Дашрамд өгүүлэхэд, тус ажлын хүрээнд Улаангом хотын эрчим хүчний хүчин чадлыг нэмэгдүүлэх ажлыг зохион байгуулах аж.