Б.Жавхлан: Ипотекийн төлөлтийг дахин хойшлуулах нь эрсдэлтэй

Э.Мөнхжин | Zindaa.mn
2022 оны 10 сарын 14

Ипотекийн зээлийн эргэн төлөлтийг дахин хойшлуулах эсэх асуудал яригдаж байгаа юу гэдэгт Сангийн сайд Б.Жавхлан дараах мэдээллийг өгч байна.

"Ипотекийн зээлийн төлөлтийг үргэлжлүүлэн хойшлуулах нь иргэдэд их эрсдэлтэй. Иргэд ипотекийн зээлийн төлбөрөө төлөөд явж болно, хойшлуулж болно.

Гэхдээ хойшлуулах тусам иргэдэд ирэх эрсдэл нь нэмэгдэнэ. Энэ асуудлыг хөндвөл “Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хууль”-ийн хэрэгжих хугацааг сунгах асуудал давхар яригдана. Бидэнд хугацаа байна, асуудлыг дахин ярилцана" гэв.

Сануулахад, ипотекийн зээлийн хөтөлбөрийг 2023 онд багтаан Засгийн газарт шилжүүлнэ гэж Монголбанкнаас мэдэгдсэн. Тус хөтөлбөрийг Засгийн газарт шилжүүлэх хүртэл хугацаанд санхүүжилтийн эх үүсвэрийг шийдвэрлэхэд анхаарах шаардлагатай нөхцөл байдал үүсээд буйг мөн мэдэгдсэн юм.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
иргэн (43.242.242.59)  2022 оны 10 сарын 14

одоо наад цар тахлын хуулиа зогсоогооч ээ. Юмыг жамаар нь явуулаач. Өөрсдөө идэж уухаа боль. Арай хэтэрлээ. Юманд чинь хэмжээ хязгаар гэж юм байдаг юм.

1  |  0
иргэн (43.242.242.59)  2022 оны 10 сарын 14

одоо наад цар тахлын хуулиа зогсоогооч ээ. Юмыг жамаар нь явуулаач. Өөрсдөө идэж уухаа боль. Арай хэтэрлээ. Юманд чинь хэмжээ хязгаар гэж юм байдаг юм.

0  |  0
Top