Орон нутгийн эмэгтэйчүүдийг чадавхжуулах "Зориг сан"-гийн хөтөлбөр зарлагдлаа

Автор | Zindaa.mn
2022 оны 09 сарын 22
"Зориг сан" орон нутагт ажиллаж амьдарч буй өөрийгөө хөгжүүлж ажлын байрандаа ахиж дэвших чин хүсэлтэй эмэгтэйчүүдэд зориулсан “ОРОН НУТГИЙН ЭМЭГТЭЙЧҮҮДИЙГ ЧАДАВХЖУУЛАХ ХӨТӨЛБӨР”-өө зарлажээ. ЮНЕСКО-гийн санхүүжилтээр гурав дахь жилээ зарлагдаж буй тус хөтөлбөрт 21-40 насны, хөдөө орон нутагтаа тогтмол ажиллаж амьдардаг, өөрийгөө хөгжүүлж, шинийг суралцах хүсэл эрмэлзэлтэй, арваннэгдүгээр сарын 2-9-ний өдрүүдэд Улаанбаатар хотод хөтөлбөрт хамрагдах боломжтой эмэгтэйчүүд хамрагдах боломжтой юм.
 
Дээрх шаардлагыг хангаж буй оролцогчид өргөдлийн маягтыг онлайнаар https://form.jotform.com/zorigfou.../rwcp-online-application холбоосоор бөглөх бөгөөд 2022 оны аравдугаар сарын 02-ны өдрийн 23:59 цаг (Улаанбаатарын цагаар) хүртэл  өргөдөл хүлээн авах аж.
 
Хөтөлбөр арваннэгдүгээр сарын 02-ноос 09-ний өдрүүдэд Улаанбаатар хотод нэг долоо хоногийн хугацаанд явагдах бөгөөд Улаанбаатар хотод байрлах зочид буудал, хоол болон замын зардлыг хөтөлбөрийг хэрэгжүүлэгч байгууллага бүрэн хариуцах юм байна. 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top