Д.Зоригт: Би мөрийтэй тоглоогүй, дүрмийг нь ч мэдэхгүй

Нийгмийн даатгалын ерөнхий газрын /НДЕГ/ дарга Д.Зоригтыг албан өрөөндөө мөрийтэй тоглож байгаад баригдсан гэх мэдээлэл цацагдаад байгаа юм. Энэ асуудалд тэрбээр дараах тайлбарыг өглөө. 

-Сүүлийн долоо хоногт би ажлын байрандаа ч очоогүй. Европын холбооноос зохион байгуулж байгаа тэтгэврийн шинэчлэлийн талаар семинарт оролцож байсан юм. Намайг ажлын байрандаа мөрийтэй тоглоом тоглосон гэж мэдээлэл гарсныг дөнгөж сая сонслоо. 

Ажлын байрандаа архидах, мөрийтэй тоглох хориотой. Ийм зүйл хийгээгүй гэдгээ албан ёсоор мэдэгдэж байна. Би мөрийтэй тоглоомын дүрэм, журмыг ч мэдэхгүй.  

Хуулийн дагуу шалгаж, үнэнийг тогтоох байх.  Шалгаж, нягтлаагүй худал мэдээлэл цацагдсанд харамсаж байна.