Калифорнид ОНЦ БАЙДАЛ тогтоолоо

АНУ-ын Калифорни мужийн амбан захирагч Гэвин Ньюсом ой хээрийн түймрийн улмаас мужийн таван тойрогт Онц байдал тогтоожээ.

Байгалийн гамшгийн улмаас олон мянган иргэнийг нүүлгэн шилжүүлж, олон га газар шатаж, байшин, барилга үгүй болоод байна гэж Ньюсом мэдэгджээ. Онц байдлыг Фресно, Мадера, Марипоса, Сан Бернардино, Сан Диего тойрогт тогтоогоод байна. Сан Диего тойрогт гэхэд дөрвөн мянган га талбай түймэрт автсанаас дөнгөж нэг хувийг нь цурманд оруулаад байна.

Калифорнийн төв хэсэг дэх Сиерра үндэсний паркт 14.5 мянган га газар түймэрт автжээ.

Тус мужид халуун, хуурай цаг агаар тогтсон тул ой, хээрийн түймэр түргэн тархаж байгаа гэнэ.