ӨГЛӨӨНИЙ МЭНД!

Өнөөдөр 2019.04.12. Монгол эх оронд маань нар 06 цаг 10 минутад мандлаа. Улаанбаатар хотод 4 градус, ялимгүй хуртай.

Өнөөдөр Боливт Хүүхдийн өдөр.

Энэ өдөр “Алтан Бөмбөрцөг” наадмын гурван удаагийн шагналт жүжигчин Клэйр Дэйнс, телевизийн алдарт “Хаус” цувралын од, жүжигчин Женнифер Моррисон, Олимп болон Европын аварга, Оросын гүйлтийн тамирчин Юрий Борзаковский, Аргентины хөлбөмбөгч Николас Бурдиссо, Бразилын хөлбөмбөгч Луис Адриано зэрэг алдартан төрсөн өдрөө тэмдэглэж байна.

Энэ өдөр Монгол Улсын түүхэнд болсон чухал үйл явдлууд:

• 1914 оны энэ өдөр Улсын хурлын газрыг байгуулахыг хүсч, айлтгасныг Богд хаан зөвшөөрөн, бичиг цохжээ.
• 1938 оны энэ өдөр Өрөмч хотод Гоминданы ноёрхлыг ард түмэн түлхэн унагаж, хувьсгалт засаг тогтов.
• 1956 оны энэ өдөр “Хятад, Монголын 1956 оны соёлын хамтын ажиллагааны ажлын төлөвлөгөө”-нд Бээжин хотод гарын үсэг зуржээ.
• 2004 оны энэ өдөр Замын-Үүд-Бээжингийн хооронд тогтмол цагаар явах олон улсын аяллын автобусыг албан ёсоор явуулж эхлэв. Үүнтэй холбогдуулан Замын-Үүд-Бээжингийн хоорондох олон улсын засмал замыг нээжээ.

Өнөөдөр дэлхий дахинд болсон чухал үйл явдлууд:

• 1955 оны энэ өдөр АНУ-ын эрдэмтэн Жонас Салк хүүхдүүдэд дуслаар өгөх поли вакциныг туршиж, хөгжүүлж эхлэв.
• 1961 оны энэ өдөр ЗХУ-ын хөөргөсөн “Восток 1” сансрын хөлөгт суусан Юрий Гагарин сансарт ниссэн анхны хүн болон түүхэнд нэрээ үлдээсэн. Тэрээр мөн анхны нислэгээрээ задгай сансарт гарч, түүхэнд нэрээ дархалсан юм.
• 1981 оны энэ өдөр АНУ-ын Сансар судлалын Шаттл хөтөлбөрийн хүрээнд “STS-1” хөөрч, тус хөтөлбөр үйл ажиллагаандаа оров.
• 1992 оны энэ өдөр хүүхдийн паркийн үйлчилгээ эрхэлдэг Диснейлэнд компани “Евро Диснейлэнд” компани байгуулж, Францын Парис хотод соёл амралтын хүрээлэнг нээжээ.

Онцлон тэмдэглэхэд, өнөөдөр мэлхийн ордныхон амар тайвныг мэдрэх бол хумхынхан хайртай хүмүүстэйгээ ойлголцоно. Харин ихрийн ордныхон хэт онгироо байх хэрэггүй гэж өрнийн зурхайд өгүүлжээ.

Өнөөдөр үс засуулбал хэрүүл тэмцэл ирнэ. Хонь, гахай жилтнүүд аливаа үйлийг хийхэд эерэг сайн бол бар, туулай жилтнүүд аливаад хянамгай хандаарай. Энэ өдөр гэмтнийг шийтгэх, мал сургах болон аж ахуйн үйлд сайн. Харин газар хагалах, хиншүү хярвас гаргахад муу. Хол газар явах гэж байгаа бол зүүн хойш мөрөө гаргаад аян замдаа гараарай. Таны аяны болон амьдралын ганзага үргэлж дүүрэн байг. Өнөөдрийн ажилд тань амжилт хүсье.