Шаргаморьтын замыг наадмаас өмнө ашиглалтад оруулах үүрэг өглөө
Нийслэл хотод зам засвар өргөтгөл шинэчлэлийн ажил үргэлжилж байна. Нийслэлийн Засаг даргын орлогч П.Баярхүү өнгөрсөн амралтын өдрүүдэд Сүхбаатар дүүргийн 19-р хороо, Шаргаморьт зуслангийн чиглэлийн авто замын засвар, шинэчлэлтийн ажлын явцтай танилцав.
Тус чиглэлд шинээр зам тавихаас гадна хуучин шороон замыг хусч, тэгшлэх ажил дуусах шатандаа орсон байна. Удахгүй ашиглалтад оруулж, бүрэн хүлээлгэж өгөх аж. Тус шороон замд ээлжит болон их засвар хийгээгүйн улмаас шороон замын зорчих хэсэг бүхэлдээ бүтцийн эвдрэлд орж, иргэд зорчиход хүндрэл үүсээд олон жилийн нүүр үзээд байсан юм.
Нийслэлийн Засаг даргын орлогч П.Баярхүү авто замын засвар, шинэчлэлийн ажлыг наадмаас өмнө бүрэн дуусгаж, нээхийг замын ажил гүйцэтгэгч компанийн удирдлагуудад үүрэг болголоо.
Авто замыг өргөтгөн шинэчлэхэд замын хөдөлгөөнийг бүрэн хаалгүйгээр урсгал тус бүрээр хэсэгчлэн хааж, засварын ажлыг гүйцэтгэж байна.
Холбоотой мэдээ
Сэтгэгдэл ( 2 )
darga nariin heniinh ni ch ger baidaggui bolohoor ene olon jil aimshigiin zamtai bailaa, ene zasch baigaa zam mi her udaa nastai baih bol? yamar saindaa zuslandaa gardag humuus uursduu ail burees mungu tsugluulj jildee neg huviasaa chadah chadahaaraa mashin tereg ... yumaa tsugluulj zamaa husch yanzaldag bailaa. Darga tsereg nar baidag baisan bol handgait sanzain zam shig baih baisna bailgui dee ...
Darga nariinh n henii ger sharga moritod bna?