Дахин нэг хүүхэд амь эрсдэх шахжээ

Амралт, зугаалгын үе ирж байгаатай холбогдуулан нийслэлийн онцгой байдлынхан моторт завиар 24 цаг эргүүл хийж байгаа. Нийслэлийн аврах 105 дугаар ангийн  алба хаагчид Баянзүрх дүүргийн Хар усан тохойгоос Яармагийн гүүр хүртэлх Туул голд өдөр бүр завиар эргүүл хийж, иргэдийн аюулгүй байдлыг ханган ажиллаж байна.

Аврагчид  өчигдөр завьт эргүүлээр явж байхдаа бага насны хүүхэд голын усанд урсаж байсныг аврах ажиллагааг шуурхай зохион байгуулан эсэн мэнд аварч, ар гэрийнхэнд нь хүлээлгэн өгчээ.

Тодруулбал, Хан-Уул дүүргийн 11 дүгээр хороо, Маршлын гүрний дэргэд 8 настай хүүхэд голын эрэг дээрээс алга болсон гэсэн дуудлагыг 20:58 цагт өгснөөр Нийслэлийн аврах анги 105-ын эрэн хайх бүлгийг очиход тус гүүрний дэргэд найман настай, эрэгтэй хүүхэд голд урсаж байсныг гаргаж эмнэлгийн анхан шатны тусламж үзүүлсэн байна.

Иймээс эцэг эхчүүд хүүхэддээ тавих анхаарал болгоомжоо дээшлүүлэхийг албаныхан сануулсаар байна.

С.Баяр

Эх сурвалж: Zindaa.mn