“Эм Си Эс” МИАТ-ийн хувьчлалд зэхэж байна уу

Төрийн өмчид байх хэд хэдэн объектуудыг хувьчлах тухай асуудал яригдаж байна. Зах зээлийн зарчмаар Төрийн өмчит компаниудыг хувьчлаад өөр менежмент хийх цаг нь болсон гэдэгтэй хэн ч санал нийлэх байх. Гэхдээ эдгээр дундаас МИАТ-ийн хувьчлалын асуудал олон хүний сонирхлыг татаж байна. Учир мэдэх хүмүүсийн хэлж байгаагаар бол манай улс орон шиг далайд гарцгүй улс орны хувьд Иргэний агаарын тээвэр бол стратегийн чухал ач холбогдолтой зүйл. Тиймээс үүнийг яаран хувьчлах хэрэггүй гэх нь бий.

Үнэн хэрэгтээ стратегийн ач холбогдол бүхий агаарын тээврээ хувийн хэвшилд өгчихөөд тэдний аманд орж сууна гэдэг ямар ч улс оронд байж болохгүй асуудал юм. Нөгөө талаар МИАТ-инй хувьчлалын ар талд яригдаж буй олон хүмүүс бий. Тэгвэл МИАТ-ийг “Эм Си Эс” гэх мэт хөрөнгө мөнгөний чадвартай компанид өгөхөд болно, харин хөрөнгө мөнгөний эх үүсвэр муутай компанид өгвөл зөвхөн ашгийн төлөө яваад дуусна гэсэн мэдээллийг зориудын гэмээр сувгаар цацаж байгаагийн цаана ямар нэгэн шалтгаан байгаа болов уу.

Ямартай ч өнөөдөр МИАТ, Төрийн банкны хувьчлалын талаар эрх баригч намын бүлэг хуралдаж буй. Тэгэхээр эдгээр газруудыг хэрхэн яаж хувьчлах тухай асуудал бүлгийн хуралдаанаар шийдвэрлэгдэнэ гэсэн үг.

Н.Баатар

www.zindaa.mn