”Гэр хороолол хөдөлгөөн” жагсаалаа хойшлуулжээ

"Гэр хороолол хөдөлгөөн"-өөс Д.Сүхбаатарын талбайд майхантай суулт хийсэн.  Зөвшөөрөлгүй гэдэг шалтгаанаар нийслэлийн Сүхбаатар дүүргийн Засаг дарга Х.Болормаагийн захирамжаар суултыг шөнийн 22.00 цагт цагдаагийнхан тарааж, цуглааны зарим зохион байгуулагчийг баривчилсан юм. Түүнээс хойш тус хөдөлгөөнд дахин суулт хийх санал иргэдээс их ирсэн гэнэ. Хөдөлгөөнөөс энэ сарын 31-ний өдөр Сүхбаатарын талбайд эсэргүүцлийн жагсаал, суулт хийхээр төлөвлөсөн байжээ. Гэвч тодорхойгүй хугацаагаар дахин хойшлуулж байгаагаа өнөөдөр мэдэгдлээ. Шалтгаан нь,  тус талбайд нийслэлийн МАН-ынхан жагсаал, цуглаан  зохион байгуулж буйтай холбоотой гэсэн тайлбар өгч байна.

А.Эрдэнэ

www.zindaa.mn