Татварын хэлтсийн зөрчил шалган шийдвэрлэх албан тушаалтнуудад сургалт хийлээ

Дундговь аймгийн Прокурорын газраас тус аймгийн Татварын хэлтсийн зөрчил шалган шийдвэрлэх эрх бүхий  албан тушаалтангуудад  Зөрчлийн хууль болон Зөрчил шалган шийдвэрлэх тухай хуулиудаар сургалт зохион байгууллаа.  Сургалтаар  Зөрчлийн хууль болон Зөрчил шалган шийдвэрлэх тухай хуулиудийг хэрэгжүүлэхэд гарч байгаа хүндрэл бэрхшээл, зөрчлийн талаарх гомдол, мэдээлэл, зөрчлийн хэргийг шалгахад эрх бүхий албан тушаалтануудаас анхаарах асуудал, тулгамдаж байгаа асуудлын талаар харилцан ярилцаж, санал солилцсон байна. Сургалтын төгсгөлд прокурорын байгууллагаас тус хэлтсийн зөрчил шалган шийдвэрлэх эрх бүхий  албан тушаалтангуудад  цаашид анхаарч ажиллах асуудлаар доорхи чиглэлийг өгчээ. Үүнд:  

•  Зөрчлийн хууль, тогтоомжийн нэгдсэн сантай болох,  хууль, тогтоомж, чиглэл, аргачилсан заавар, журмууд болон Прокуророос ирүүлсэн зөвлөмж, шаардлага зэргийг нэгтгэн, өдөр тутмын үйл ажиллагаандаа тогтмол хэрэглэж хэвшүүлэх,
• Аж ахуйн нэгжид шийтгэл оногдуулахдаа хуулийн этгээд мөн эсэхийг баримтжуулах, аж ахуйн нэгжийн үйл ажиллагаа явуулах зөвшөөрөл, улсын бүртгэлийн гэрчилгээг материалд хавсаргаж байх,
• Эрх бүхий албан тушаалтнуудаас шийдвэр гаргасан даруй прокурорын нэгдсэн бүртгэлд бүртгүүлж хэвшүүлэх зэрэг хуулийн заалтыг нэг мөр хэрэгжүүлж ажиллах шаардлагатай талаар зөвлөмж , чиглэл өгчээ.  Дундговь аймгийн прокурорын газраас мэдээллээ.

•