Тусгай дуут дохио хэрэглэж байсан 1286 тээврийн хэрэгслийн зөвшөөрлийг цуцалжээ

2018 оны 05 сарын 25

Хууль зүй, дотоод хэргийн сайдын тушаалаар баталсан “Тээврийн хэрэгсэлд тусгай дуут болон гэрлэн дохио тавьж хэрэглэх журам”-ын хэрэгжилтэд хяналт тавих зорилгоор ЦЕГ-ын Бүртгэл хяналтын төв, Замын цагдаагийн албатай хамтран нийслэлийн хэмжээнд хэсэгчилсэн шалгалтыг явуулжээ. Шалгалтаар зөвшөөрөлгүй тусгай дуут, гэрлэн дохио тавьж хэрэглэсэн 22 жолоочид 2.2 сая төгрөгийн шийтгэл оногдуулсан байна.

Хуучин журмын дагуу өнгөрөгч 2017 онд тусгай дуут болон гэрэл дохио тавьж хэрэглэх зөвшөөрлийг 2239 тээврийн хэрэгсэлд олгож байжээ. Харин уг журмыг боловсронгуй болгож шинэчлэн баталснаар Цагдаагийн ерөнхий газрын Бүртгэл хяналтын төвөөс 2018 оны эхний таван сарын байдлаар зөрчилтэй 1286 тээврийн хэрэгслийн дуут дохио хэрэглэх зөвшөөрлийг цуцалж, Журамд заасан зөвхөн тусгай чиг үүргийн 953 тээврийн хэрэгсэлд зөвшөөрөл олгожээ.

WWW.ZINDAA.MN

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (203.91.118.180)  2025 оны 03 сарын 13

зөв, одоо бас л тусгай дуут дохио хэрэглээд л байна, үүнийг бүрмөсөн таслан зогсоох хэрэгтэй

1  |  0
Top