Шоронд 25 жил хорьсны эцэст буруугүйг нь тогтоожээ

Нью-Йоркийн иргэн Жонатан Флемин 1989 онд бусдыг санаатай алсан хэргээр шүүхээс ял сонссон байна. Тухайн үед түүний эсрэг хангалттай нотлох баримт, гэрчүүд байсан бөгөөд бүгд түүнийг алуурчин гэж бодож байжээ.

Гэвч тэрбээр энэ хэргийг үйлдсэн гэдгээ хэзээ ч хүлээн зөвшөөрөөгүй. Харин саяхан энэ хэргийг нэмэлт мөрдөн байцаалтад буцааж, дахин шалгасан байна. Үүний дүнд Жонатаныг буруугүй гэдгийг нотолжээ.

Өдгөө 51 настай тэрбээр “Надад гайхамшиг л мэдрэгдэж байна. Би хэзээ ч цөхрөөгүй. Хэзээ нэгэн цагт миний буруугүйг тогтооно гэдэгт итгэлтэй байсан. Би одоо ээжтэйгээ, гэр бүлийнхэнтэйгээ оройн хоолоо тайван амгалан идэж, амьдралын сайхныг мэдэрнэ. Миний хүүхдүүдийг алуурчны хүүхэд гэж дахин ад үзэгдэхгүй” гэж хэлсэн байна.

Д.Маргад