Ким Жон Уны залуухан, царайлаг эхнэр хамтлагт дуулж байсан нь үнэн үү

Хойд Солонгосын удирдагч Ким Жон Уны залуухан, царайлаг эхнэр Ри Сол Жуг урьд нь дуучин байсан хэмээдэг. Хэмээдэг гэхийн учир нь Ким Жон Уны эхнэр Ри Сол Жугийн өмнөх амьдралын үнэн түүх цацагдаггүй бөгөөд элдэв янзын мэдээлэл таамаг төдий байдаг аж. Хойд Солонгосын засаг захиргаанаас түүнийг энгийн ардаас гаралтай хэмээн бахдалтайгаар зарласан боловч дээр өгүүлсэнчлэн өмнө нь дуучин байсан ч гэж ярьдаг. Тэр ч байтугай Өмнөд Солонгосын хэвлэлүүдэд Ким Жон Уны жинхэнэ эхнэр нь Ри Сол Жугийн эгч гэх мэдээлэл ч гарчээ. Өөрөөр хэлбэл, Хойд Солонгосын залуу удирдагч олны дунд эхнэрийнхээ царайлаг дүүг дагуулан явдаг гэсэн үг. Гэхдээ энэ нь албан бус эх сурвалжийн мэдээлэл аж. Гэтэл сүүлийн үед цахим ертөнцөд цацагдах болсон эл бичлэгийг Ри Сол Жу мөн хэмээн батлах болжээ.