Швед дэх монголчууд энэ сарын 6-нд наадамлана

Швед улс дахь монголчууд  энэ сарын 6-нд Стокгольм хотын хойд захад орших Акалла ди хэмээх модоор хүрээлэгдсэн, зүлэг ногоо тэгширсэн газарт монголчууд наадахаар болжээ. Швед улс дахь Монголын Элчин сайдын яам, Швед дэх монголчуудын холбоо хамтран 2008 оноос хойш наадмаа хийж эхэлсэн бөгөөд үндэснийхээ баярыг гадаадад суугаа монголчууд өргөн дэлгэр тэмдэглэдэг уламжлал тогтсон байна. 

Тус улсад 6000-7000 монгол иргэн ажиллаж, амьдардаг гэсэн албан бус тоо бий. Тэд асар майхан барьж наадмын хуушуур, амтлангаа 64 бөхийн барилдаан, шагайн харваа үзэж баярладаг. Мөн урлагийн тоглолт зохион байгуулах зэргээр үндэсний баяраа өргөн дэлгэр тэмдэглэх гэнэ.