“Best of Altan urag” тоглолт наадамчдыг баярлуулах нь

Үндэсний хөгжмийг орчин үеийн хэв маягтай нэгтгэн, уран бүтээл хийдэг “Алтан ураг” хамтлагийнхан үндэсний баяр наадмаар буюу энэ сарын 12-нд 20.00 цагаас СТӨ-нд өөрсдийн бие даасан тоглолтыг хийхээр болжээ. Өмнө нь тоглогдож байгаагүй шинэ зохиолууд болон  2004-2013 оны хооронд тоглогдсон тоглолтуудын шилдэг дуунууд “Best of Altan urag” тоглолтын тайзнаа эгшиглэх гэнэ.

Тухайлбал, “Нисванис” хамтлагийн Л.Энх-Амгалантай хамтарсан уран бүтээл болон дуучин С.Нарантай хамтарсан “Blue rose” зэрэг шинэхэн уран бүтээлээ  энэ үдэш сонордуулах гээд тоглолт  сонин содон зүйлсээр дүүрэн болох юм байна.