Тэд цагтаа найзууд явсан, харин одоо өрсөлдөгчид...

СУИС-ийн анхны хөгжимт драмын ангийг төгссөн гэгддэг УДЭТ-ын жүжигчин Г.Отгонцэцэг, топ модель Д.Пүрэвсүрэн нар тухайн үедээ “Хувьсал” продакшнаас уран бүтээлийн гараагаа эхэлж байсан түүхтэй. Харин өдгөө тус тусынхаа замыг хөөсөн тэдний нэг нь УДЭТ-т, нөгөөх нь чөлөөт уран бүтээлч маягаар ажиллаж буй. Өөр хоорондоо үе зайгүй нөхөрлөдөг байсан жүжигчин бүсгүйчүүд “Хувьсал” продакшны жүжигт эсрэг тэсрэг дүрд тоглож эхэлснээр үзэгчид тэднийг харьцуулах болсон нь нууц биш.

Олны анхаарлыг татсан сайхан бүсгүйчүүд маань ч энэ бүхэнд эерэг тайлбар өгч “Бид дотно найзууд. Бие биедээ атаархах юу ч байхгүй” хэмээж байсан юм. Тэгвэл одоо жүжигчин Г.Отгонцэцэгийн тоглосон кино үзэгчдийн анхаарлыг ид татаж буй энэ үед топ модель, жүжигчин Д.Пүрэвсүрэн ч түүнээс дутахааргүй гэдгээ харуулж эхэлсэн. Загварын тайз, реклам сурталчилгаанд ихэвчлэн харагддаг байсан тэрбээр нэлээд хэдэн киноны гол дүрд тоглосон бөгөөд хамгийн сүүлд “Лардьма” киног амилууллаа. Хоёул загварын тайзнаа алхдаг, жүжигчний мэргэжилтэй төдийгүй дуулж, бүжиглэх авьяастай, царай зүс, нуруу туруугаараа хэнээс ч дутахааргүй энэ хоёр бүсгүй одоо кино урлагт хүч сорин өрсөлдөж явна.