Санал өгөх хорооныхоо байршлыг 1299 дугаараас асуугаарай

2013 оны Ерөнхийлөгчийн сонгуулийн санал хураалтын бэлтгэл ажил дуусч байна. Урьдчилсан мэдээгээр маргааш нийслэлийн хувьд 841858 сонгогч санал өгөх тоо гарчээ. Нийслэлчүүд ulaanbaatar.mn сайтад хандаж санал өгөх хорооныхоо байршлыг мэдэж болох юм. Мөн 1299 дугаарын утсанд хандаж мэдээлэл авах боломжтой аж. Энэ удаагийн сонгуулийг гадаадын 34, олон улсын байгууллагын 400 орчим төлөөлөгч ажиглахаар болсон. 

Харин Нийслэлийн сонгуулийн хорооноос сонгуулийн ирцийн талаарх мэдээллийг дөрвөн цаг тутамд  танилцуулах юм.