Бага насны гурван хүүхэд үерт урсаж амиа алджээ

Хөвсгөл аймгийн Арбулаг сумын хоёрдугаар багийн нутагт орших Мандал гэх газар их хэмжээний бороо орсны улмаас 18 настай М, 11 настай О, 4 настай Х нар үерт урсаж нас барсан харамсалтай хэрэг гарчээ.Нутгийн иргэдээс ирсэн дуудлагын дагуу тус аймгийн цагдаагийн хэлтэс хэргийн газарт шалгалт хийж байгаа гэнэ.

Дашрамд хэлэхэд ойрын өдрүүдэд бороо орж голын хэмжээ ихэсч мөн үер бууж байгаа тул бага насны хүүхдийг хараа хяналтгүй гол усны орчим орхихгүй байхыг цагдаагийн байгууллагаас анхааруулж байна.