Цаг агаарын сэрэмжлүүлэг мэдээ
Үерийн аюулаас сэрэмжлүүлэх мэдээ
6 дугаар сарын 18-ны өдрийн байдлаар Хэнтэй нуруунаас эхтэй Хэрлэн голын усны түвшин Мөнгөнморьт сум орчмоор өмнөх өдрөөс 10-20 см нэмэгдэж, үерийн түвшинг 10 см даван үерлэж байна. Иймд Хэрлэн голын сав дагуу суурьшиж, нутаглаж буй ард иргэдийг үер, усны аюулаас сэрэмжлүүлж байна.
2013 оны 06 дугаар сарын 19-ний 20 цагаас 06 дугаар сарын 20-ны 20 цаг хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө зарим газраар түр зуурын бороо орно. Салхи зүүн өмнөөс секундэд 4-9 метр. Шөнөдөө Алтай, Хангайн уулархаг нутгаар 5-10 градус, Алтайн өвөр говиор 16-21 градус, бусад нутгаар 10-15 градус, өдөртөө Алтай, Хангайн уулархаг нутгаар 19-24 градус, бусад нутгаар 23-28 градус дулаан байна.
ТӨВИЙН АЙМГУУДЫН НУТГААР: Үүлшинэ. Бороо орохгүй. Салхи зүүн хойноос секундэд 4-9 метр. Хангай, Хөвсгөлийн уулархаг нутгаар шөнөдөө 6-11 градус, өдөртөө 20-25 градус, бусад нутгаар шөнөдөө 9-14 градус, өдөртөө 25-30 градус дулаан байна.
ЗҮҮН АЙМГУУДЫН НУТГААР: Багавтар үүлтэй. Бороо орохгүй. Салхи зүүнээс секундэд 4-9 метр. Шөнөдөө 10-15 градус, өдөртөө 24-29 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Бороо орохгүй. Салхи баруун өмнөөс секундэд 4-9 метр. Шөнөдөө 11-13 градус, өдөртөө 25-27 градус дулаан байна.
ГОВИЙН АЙМГУУДЫН НУТГААР: Үүлшинэ. Бороо орохгүй. Салхи зүүн өмнөөс секундэд 5-10 метр. Шөнөдөө Дундговийн нутгаар 11-16 градус, бусад нутгаар 15-20 градус, өдөртөө бүх нутгаар 27-32 градус дулаан байна.
УЛААНБААТАР ХОТ: Үүлшинэ. Бороо орохгүй. Салхи зүүн хойноос секундэд 4-9 метр. Шөнөдөө 12-14 градус, өдөртөө 25-27 градус дулаан байна.
2013 оны 6 дугаар сарын 21-нээс 6 дугаар сарын 25-ныг хүртэлх цаг агаарын урьдчилсан төлөв
21-нд баруун болон төвийн нутгаар, 22-24-нд ихэнх нутгаар бороо орно, дуу цахилгаантай. Салхи хугацааны эцсээр Алтайн салбар уулсаар секундэд 12-14 метр хүрч ширүүснэ. Алтай, Хангай, Хөвсгөлийн уулархаг нутгаар шөнөдөө 4-9 градус, өдөртөө 17-22 градус, говийн бүс нутгаар шөнөдөө 16-21 градус, өдөртөө 26-31 градус, бусад нутгаар шөнөдөө 10-15 градус, өдөртөө 23-28 градус дулаан байна.
Холбоотой мэдээ
Сэтгэгдэл ( 1 )
Herlen gol ni uerlej bn Ene ued ni l nuutsluud uul uurhaid ashiglaj bay busad ued ni abahaargyu zohitsuulii geed bga yum shuu dee hytadruu garaad l ter chigeer ni ashiglaj bg sh dee Baigali hamgaalagch BATERDENEEEEEEEEEEEE