Монголбанк 1 дүгээр сард 1.9 тонн үнэт металл худалдан авлаа

Монголбанк 2026 оны нэгдүгээр сард 1.9 тонн үнэт металл, үүнээс Дархан-Уул аймаг дахь Монголбанкны салбар 61.0 кг, Баянхонгор аймаг дахь Монголбанкны салбар 456.9 кг үнэт металл худалдан авсан байна. Энэ нь өмнөх оны мөн үетэй харьцуулбал 50.2 хувиар өссөн үзүүлэлт байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2026 оны  нэгдүгээр сард алт худалдаж авах дундаж үнэ 539,587.33 төгрөг байв.