ӨГЛӨӨНИЙ МЭНД!

Өнөөдөр 2026.01.28. Энэ оны 28 дахь өдөр бөгөөд он дуусахад 337 хоног үлдэж байна. Монгол эх оронд маань нар 08 цаг 23 минутад мандаж, 17 цаг 47 минутад жаргана.

Улаанбаатарт багавтар үүлтэй. Өдөртөө 15 хэм, шөнөдөө 26 хэм хүйтэн байна. Та хувцсаа тохируулж өмсөөд гараарай.

Өнөөдөр Хувийн мэдээллээ хамгаалах олон улсын өдөр, Дэлхийн ажилгүйчүүдийн өдөр тохиож байгаа бол Арменид Армийн өдөр, Руандад Ардчиллын өдөр, АНУ-д Хүүхдийн эмч нарын өдрийг тэмдэглэж байна.

Энэ өдөр Их Британийн «Soft Machine» хамтлагийг үүсгэн байгуулагчдын нэг Роберт Уайатт, Мексикийн жүжигчин Хайме Гарса, Францын Ерөнхийлөгч асан Николя Саркози, Америкийн кино найруулагч, “Ногоон бүс”, Шоушенкаас оргосон нь” зэрэг киногоороо алдартай Фрэнк Дарабонт, Канадын дуучин, “Грэмми”-гийн шагналт Сара Маклахлан, Америкийн дуучин, жүжигчин «Backstreet Boys»-ын гишүүн Ник Картер, жүжигчин Элайжа Вуд, Франц, Германы уран гулгагч, олимпын аварга Бруно Массо зэрэг алдартан төржээ.

Энэ өдөр Монгол Улсын түүхэнд болсон онцлох үйл явдлууд:

1967 оны энэ өдөр БНМАУ-аас БНХАУ-д суугаа Элчин сайдын яамны өмнө Хятадын улаан хамгаалагчид эсэргүүцлийн цуглаан зохион байгуулсан явдалд БНМАУ-ын ГЯЯ-наас БНХАУ-д эсэргүүцэл илэрхийлсэн байна.

1986 оны энэ өдөр хил орчмын районд суугаа БНМАУ, ЗСБНХУ-ын иргэд хилийг нэвтрэх хялбарчилсан журмын тухай хоёр улсын Засгийн газар хоорондын хэлэлцээр батлагджээ.

2015 оны энэ өдөр Ерөнхийлөгч Ц.Элбэгдорж Монгол Улсын гурван сая дахь иргэнд Монголжин нэр хайрлажээ. Мөн Засгийн газрын тогтоолын дагуу гурван сая дахь иргэнийг хоёр өрөө байр буюу тэнцэх хэмжээний урамшуулал, тэтгэмжээр мялааж, түүнтэй цаг, минут, секундын хувьд хамгийн ойр төрсөн 29 хүүхдийг тодруулж, тусгай тэтгэмж, урамшуулал олгов.

Энэ өдөр дэлхийн түүхэнд болж байсан онцлох үйл явдлуудаас дурдвал:

1813 оны энэ өдөр Их Британид зохиолч Эейн Остины “Бахархал ба Бардамнал” зохиол анх удаа хэвлэгдэн гарчээ.

1918 оны энэ өдөр Эстони, Латви улсууд Оросоос тусгаар улс болж буйгаа зарлав.

1930 оны энэ өдөр Испанийн дарангуйлагч Мигель Примо де Ривера огцорчээ.

1932 онд Япон Шанхай руу дайрав.

1945 оны энэ өдөр Зөвлөлтийн дайчид Мемелийг эзэлсэн байна.

1956 онд Элвис Пресли анх удаа зурагтаар орон даяар гарчээ.

1961 оны энэ өдөр Руандад хаант засаглалыг унагав.

1985 оны энэ өдөр цөмийн дайны эсрэг Делигийн тунхгийг гаргажээ.

2002 онд Колумб улсад Боинг 727 онгоц осолдож, 94 хүн амиа алдав.

Өнөөдөр үс засуулбал эрч хүч ихэснэ

Өнөөдрийн ажилд тань амжилт хүсье!