Хэсгийн эхний тоглолтод "The MongolZ" баг ялагдлаа

Будапештийн мейжор тэмцээний өмнөх сүүлийн тулаан “BLAST Rivals Fall 2025” тэмцээний “А” хэсгийн эхний тоглолтод The MongolZ баг, Украины “Passion UA” багтай учраа таарч 1:2 харьцаагаар ялагдал хүлээлээ. Эхний мап-д The Mongolz 16:14 харьцаагаар ялалт байгуулсан ч, сүүлийн хоёр цувралд дараалан ялагд 11:13-аар ялагдал хүлээсэн байна.

Хуваарь ёсоор The Mongolz баг маргааш өглөө 10:00 цагаас Spirit болон Falcons багийн ялагдсантай учраа таарна. Хэрэв ялалт байгуулбал шөвгийн наймд тоглох эрхтэй болно. Ялагдвал тэмцээнээ өндөрлүүлэх юм.

Хонконгийн “ЭшиаВорлд-Арена”-д LAN хэлбэрээр зохион байгуулагдаж буй уг тэмцээнд хоёр хожил авсан баг шууд хагас шигшээд шалгарах бол 1-1 амжилттай байгууд шөвгийн наймд хоорондоо тоглох юм. Хоёр ялагдсан баг тэмцээнээ өндөрлүүлнэ. Тэмцээний шагналын сан 350 мянган ам.доллар бөгөөд аварга баг 125 мянган ам.доллар халааслах юм байна.