ЖДҮ | Бичил бизнес эрхлэгчдэд хүү бага, хугацаа урттай зээл олгоно

Бичил бизнес эрхлэгчдэд хүү бага, хугацаа урттай зээл олгож, зээлийн эх үүсвэрийг нэмэгдүүлэхээр ажиллаж байна.

ЖДҮҮ-г дэмжих тухай хуулийн хэрэгжилттэй танилцаж, бичил үйлдвэр, үйлчилгээ эрхлэгчдийг дэмжих тухай хуулийн нэмэлт өөрчлөлт, тогтолцоог оновчтой болгох чиглэлээр санал, дүгнэлт гаргах, холбогдох хуулийн төсөл боловсруулах үүрэг бүхий ажлын хэсэг, аж үйлдвэржилтийн бодлогын байнгын хорооны 2025 оны 02 дугаар тогтоолоор байгуулагдсан ажлын хэсэг Байгаль орчин, хүнс, хөдөө аж ахуйн байнгын хорооны 2025 оны 02 тогтоолоор тус тус байгуулагдсан ажлын хэсгийн хамтарсан хуралдаан боллоо.

Хуралдаанаар жижиг, дунд үйлдвэр, үйлчилгээ, тэр дундаа бичил бизнесийн салбарын өнөөгийн нөхцөл байдал, тулгамдаж буй асуудал, ЖДҮҮД тухай хуульд нэмэлт өөрчлөлт оруулах, хэрэгцээ шаардлагын талаар мэргэшсэн судалгааны байгууллагуудын судалгаатай танилцаж, цаашид:

• Өрхийн үйлдвэрлэл, бичил бизнес эрхлэгчдэд олгох санхүүжилтийн эх үүсвэрийг хуульд тодорхой болгох
• Бичил бизнес эрхлэгчдэд татвар, нийгмийн даатгалын шимтгэлийн хөнгөлөлт үзүүлэх
• Зээлийн санхүүжилтийн эх үүсвэрийг нэмэгдүүлэх
• Тус сегментэд бага хүүтэй, урт хугацаатай зээлийг олгох боломжийг судалж, эрхзүйн хүрээнд тусгах зэрэг асуудлуудыг хэлэлцлээ.

Хуралдаанд гурван ажлын хэсгийн бүрэлдэхүүнээс гадна ХХААХҮЯ, ЖДҮГ, ЗБДС, ХХҮГ, ГБХНХЯ тэргүүтэй холбогдох газар албадын дарга нар, мэргэжилтнүүд оролцсон юм.