Финландад Волдеморт нэр өгөхийг хориглов

Финландад хүүхдүүдэд Волдеморт нэр өгөхийг хоригложээ.

“Yle” хэвлэлд мэдээлснээр, Хууль зүйн яамны дэргэдэх нэр батлах комисс хориотой нэрсийн жагсаалтыг гаргажээ. Үүнд Элдорадо, Иисүс, Тефлон, Сенатор, Глитч, Куккубо болон “тийм”, “ширээ”, “дугуй” гэсэн утга бүхий нэрс орсон байна. Тус комисс эдгээр нэрийг эзнийгээ доромжлолын хохирогч болгоно гэж үзжээ. Нэрсийг жагсаалтыг Дижитал болон хүн амын мэдээллийн агентлаг батлах ёстой гэнэ. Финландад Оливиа, Лео гэсэн нэр хамгийн түгээмэл нэрд тооцоогддог байна.