БУЛГАН: БНСУ-ын “Шинхан” их сургуульд суралцах 20 оюутанд БАТЛАМЖ гардууллаа

Булган аймгийн Засаг дарга Б.Ариун-Эрдэнэ, БШУ-ны газрын дарга Ж.Ганболд, Хутаг-Өндөр сумын Засаг дарга П.Лхагва-очир, Сайхан сумын Засаг дарга Д.Сансар-очир нарын хамтаар өнгөрөгч тавдугаар сард БНСУ-д Кёнги аймгийн Шинхан их сургуульд албан томилолтоор ажилласан.

Өнөөдөр /2023.06.21/ Булган аймгийн Засаг даргын Тамгын газар, Бүгд найрамдах Солонгос улсын Шинхан их сургууль хоорондын хамтын ажиллагааны гэрээний хүрээнд Аймгийн Засаг дарга Б.Ариун-Эрдэнэ, ЗДТГ-ын дарга Д.Алтаншагай нар 16 сум 1 тосгоноос суралцах болзол хангасан сурагчид болон сумдын Засаг дарга , эцэг эхчүүдтэй гурвалсан гэрээ байгуулан батламжийг гардууллаа.

Хамтын ажиллагааны санамж бичигт дурдсанаар жил бүр Булган аймгийн 20 оюутанг “Кёнгидо Шинхан” их сургуульд
 

• Aялал жуулчлал,
• гадаад харилцаа,
• хөдөө аж ахуй,
• Соёл урлаг спорт,
• Эрүүл мэнд,
• Байгаль орчин,
• Жижиг дунд үйлдвэрлэл,

Бизнес удирдлага, макро эдийн засгийн чиглэлээр суралцуулахаар Булган аймгийн Засаг дарга Б.Ариун-Эрдэнэ, тус сургуулийн ерөнхий захирал Жонг Жин Кён нар гарын үсэг зурсан билээ. Ийнхүү эхний 20 оюутныг ирэх 9 сард БНСУ-д суралцуулахаар боллоо.