Индонез улсад 100 гаруй хүүхэд гэнэтийн бөөрний дутагдлаар энджээ

Я.Болор | Zindaa.mn
2022 оны 10 сарын 22

Индонез улсад сүүлийн 10 сарын хугацаанд 100 гаруй хүүхэд гэнэтийн бөөрний дутагдлаас болж эндсэн тухай тус улсын Эрүүл мэндийн сайд Буди Гунади Садикин мэдэгджээ. Түүний хэлснээр, үхлийн шалтгаан нь бөөрний үйл ажиллагааг гэнэт алдагдуулдаг түргэн явцтай цочмог бөөрний дутагдал гэнэ. Эндсэн хүүхдүүд бүгд таваас доош насныхан байжээ.

Эмнэлгээс ирүүлсэн мэдээллүүдээс үзвэл, сард энэ шалтгаанаар 35-40 хүүхэд эмнэлэгт хандаж байгаа бөгөөд нас баралтын тохиолдлууд өсөж байна гэж Садикин онцолжээ.

Гамби улсад бөөрний хурц дутагдлаас 70 хүүхэд эндсэнтэй холбогдуулан энэ сарын эхээр Дэлхийн эрүүл мэндийн байгууллага Энэтхэгт үйлдвэрлэсэн хүүхдийн ханиадны эсрэг дөрвөн төрлийн сироп хэрэглэхгүй байхыг анхааруулсан билээ. Индонезийн Эрүүл мэндийн яамны мэдээллээр, бөөрний хурц дутагдал оноштой бяцхан өвчтөнүүдийн хэрэглэсэн зарим төрлийн сиропт этилен гликол болон диэтилен гликол гэх бодис илэрчээ.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (139.5.217.110)  2022 оны 10 сарын 22

Ханиадны сироп гэж анхааруулаад бгаа даа

0  |  0
зочин (139.5.217.110)  2022 оны 10 сарын 22

манайх индонези -с эм оруулдаг шүү. тун анхааралтай. буурай орны эм хөгжлн түвшингээ илтгэнэ

0  |  0
Top