Багш нарыг багш нарын баяраар заавал баярлуулах ёстой юу?

2022 оны 09 сарын 29

Багш, эмч, цагдаа гуравт гүн хүндэтгэлтэй хандах ёстой гэдэг. Нийгмийн сайн сайхны төлөө ухамсарт амьдралаа зориулж буй эдгээр мэргэжлийг эзэмшсэн хүн бүрт гүн хүндэтгэлтэйгээр мэхийн ёслоё.

Гэлээ гээд, багш, эмч, цагдаа нар сурагчид, өвчтөн үйлчлүүлэгч, харилцагчиддаа зүй бусаар хандаж боломгүй. Юу хэлэх гээд байна гэвэл багш, эмч, цагдаа нар ажлаа хийснийх нь төлөө үйлчлүүлэгчид нь гар цайлгадаг жишиг тогтож, багш, эмч, цагдаа нар ч түмэн олны гарыг хардаг жишиг тогтжээ. Энэ бол авилгал хэмээх зүй бус үйлдлийн хамгийн энгийн, наад захын жишээ юм. Багш, эмч, цагдаа нарын цалинг өнөөх муу нэртэй, луу данстай төр засаг чадах чинээгээрээ нэмж, цаг тухайд нь олгохыг нэн тэргүүнд тавьж ирсэн байтал шүү.

Ийн хүүрнэх болсон шалтгаан бол, ирэх долоо хоногт багш нарын баяр болох нь ээ. Багш бол түмний хүүхдийг уншиж, бичиж, бодуулж, соён гэгээрүүлдэг гавьяатай хүмүүс. Тэдэнд зориулсан дуу, шүлэг ч бишгүй бий.  Гэлээ гээд, жил бүр багш нарын баяраар багшид бэлэг өгөх нь хэр зохистой вэ. Баяр болох сургаар эцэг эхийн зөвлөлийнхөн багшид зориулж хэдэн төгрөг хураах тухай хэлэлцээд эхэлсэн байна. Баярт нугасгүй, баяраар далимдуулж маркетинг хийдэг бизнесийн сурталчилгаанууд ч удахгүй хөврөх янзтай. Багшид үсэглэлийн баяр, хонхны баяраар албан ёсоор талархсан сэтгэлээ илэрхийлж сэтгэлийн бэлэг барих нь зүйн хэрэг. Түүнээс жил бүр багш нарын баяраар эцэг эхчүүдээс мөнгө татаж багшийг баярлуулна гэдэг бол ёстой нөгөө илүү сарын битүүн. Тэр ч бүү хэл ийм бэлгэнд амташсан багш нар шинэ жил, цагаан сар, март, цэргийн баяраар хүртэл гар харах шинжтэй.

Багшдаа бэлэг, бэлэн мөнгө өгч түүнийх нь хариуд багш дүнг нь сайн тавьдаг жишиг ч хувийн сургуулиудад мэр сэр ажиглагдсан. Багшид бэлэг өгөх энэ үзэгдлийг жирийн үзэгдэл болтол хэвшүүлэх нь хүүхдийн ирээдүйд тус болох нь бүү хэл хорлох нигууртай зүй бус үйлдэл юм.

Б.Наранчимэг

 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin(66.181.161.112) 2022 оны 10 сарын 03

Etseg ehiin zovlol gesn balai yuma huviin surgulinh bolimor Yuma,

2  |  0
зочин(66.181.190.170) 2022 оны 10 сарын 03

заавал хураалга гээд эцэг эхиин зөвлөл гэж багшиин гарын хүмүүс авдаг эцэг эхиин зөвлөлиин хөн гэж багшиин гар хөл хэл багалзуурууд байдаг шүү эуэг эхчүүд ээ

1  |  0
Зочин(66.181.188.237) 2022 оны 09 сарын 29

Бэлэг өгч болохгүй, энэ бол авилгал. Маш муу үр дагавар тогтоод удаж байна.

3  |  0
Top