Хүчтэй шуурганы улмаас баруун аймгуудын эрчим хүч ДОГОЛДЛОО

Цаг агаарын таагүй үзэгдэл, хүчтэй шуурганы улмаас  ОХУ-ын хилээс нааш 10 км-т 110 кВ-ын с-458 ЦДАШ -ын 216 дугаар тулгуур хугарч унаж, аваарын нөхцөл байдал үүсжээ.

Гэмтлийн улмаас  баруун бүс нутгийн хэрэглэгчдийн Цахилгаан эрчим хүч  тасарсан гэж Баруун бүсийн эрчим хүчний систем ТӨХК-иас мэдээллээ.  Аваарыг засах шуурхай ажлын бригад бэлтгэл ажлаа ханган ажиллаж байна гэв.

Ховд,  Баян-Өлгий, Увс аймгийн төвийн нэгдүгээр зэрэглэлийн  хэрэглэгчдийг Дөргөний усан цахилгаан станцаас эрчим хүчээр хангаж байгаа аж.