Үндэсний шагналын эзэн 10 сая төгрөг гардана
Онцгой байдлын ерөнхий газраас хурандаа генерал С.Равдангийн нэрэмжит “Гамшгийн эрсдэлийг бууруулах” үндэсний шагналын 2018 оны шалгаруулалтыг зарлажээ.
Шагналд байгууллага, судлаачдын баг, хувь хүн нэр дэвших боломжтой юм байна. Бүтээлд, гамшгаас хамгаалах, гамшгийн эрсдэлийг бууруулах чиглэлээр оюуны биет бүтээл болон эд материаллаг зүйлээр хувь нэмэр оруулсан байх. Дэвшилтэт техник технологи, инновацийг нэвтрүүлж, бодит үр дүнд хүрч үр дүнг шууд нэвтрүүлж болохуйц онолын суурь судалгааг боловсруулсан, бүтээл нь жилээс доошгүй хугацаанд үйлдвэрлэл, хэрэглээнд нэвтэрч бодит үр дүн өгсөн байх зэрэг шалгуур тавигдсан байна. Шагналд нэр дэвшүүлсэн бүтээлүүдийг энэ сарын 15-ны дотор Онцгой байдлын ерөнхий газрын Шинжлэх ухаан технологийн зөвлөлд хүлээлгэн өгч бүртгүүлэх ёстой ажээ. Шагналын сан арван сая (10.000.000) хүртэл төгрөгийн мөнгөн урамшууллаас бүрдэх бөгөөд ирэх арванхоёрдугаар сард гардуулах юм байна.
Д.Дамдин
Холбоотой мэдээ
Сэтгэгдэл ( 0 )