ӨНӨӨДӨР: УИХ-ын намрын чуулганы нээлт болно

09:30-10:30 цагт

• "Монголын хөрөнгийн бирж" ТӨХК нь Зээлийн батлан даалтын сантай хамтран биржээр арилжаалагдах компанийн өрийн бичигт /бонд/ батлан даалт гаргах чиглэлд харилцан ойлголцлын санамж бичигт гарын үсэг зурах ёслолын арга хэмжээ болно. Утас: 95953141

10:00 цагт

• Улсын Их Хурлын 2018 оны намрын ээлжит чуулганы нээлт болно.
  

11:00 цагт

• Шүүхийн ерөнхий зөвлөлийн гишүүн О.Зандраа, “Хууль эрх зүйн хөгжлийн хүрээлэн” судалгааны байгууллагын судлаач Г.Цагаанбаяр нар “Шүүгчийн ачаалал” сэдвээр 2018.10.01-ний 11.00 цагт Шүүхийн ерөнхий зөвлөлийн 105 тоот танхимд мэдээлэл хийнэ. Нэг шүүгчид ноогдох ажлын ачаалал хэрэг маргаан шийдэхэд хэрхэн нөлөөлж, шүүхээр үйлчлүүлсэн иргэдэд хэрхэн тусч байгаа талаар мэдээллэх юм. Мөн энэ үеэр “Хэргийн хөдөлгөөний удирдлагын төв”-ийн үйл ажиллагааг танилцуулна. Шүүгчийн сонгон шалгаруулалтын шалгалт өнөөдөр эхэлж байгаа тул мэдээлэл авах боломжтой. Утас: 99122141, 90100290

• MN-Мэдээллийн төвд “Байдраг нутаг усаа хайрлан хамгаалъя” ТББ-аас Баянхонгор аймгийн Жаргалант сум дахь хууль бус алт олборлолт, Байдрагийн голыг бохирдуулж буй бохир үйл ажиллагааны талаар мэдээлэл хийнэ.

11:30 цагт

• Монгол Улсын Консерватори /Хөгжим бүжгийн коллеж/ анх удаа Магистрын ангийн элсэлтээ авах ёслолын арга хэмжээ 10-р сарын 1-н 11:30 минутанд болох тул та бүхнийг урьж байна. Утас: 99409585, 99243563

12:00 цагт

• Мэдээлэл технологийн салбарын хөгжил дэвшил, шинээр нэвтэрч буй техник технологийг олон нийтэд танилцуулдаг “ICTEXPO-2018” үзэсгэлэнгийн нээлт Мишээл экспо төвд болно. Нээлтийн арга хэмжээнд Монгол Улсын Ерөнхий сайд У.Хүрэлсүх, ЗГХЭГ-ын дарга Г.Занданшатар, болон УИХ, Засгийн газрын гишүүд бусад албаны хүмүүс оролцно. Утас: 89114787

• MN-Мэдээллийн төвд Бүгд найрамдах намаас цаг үеийн асуудлаар хэвлэлийн бага хурал зарлалаа.

• Зурагтын шинэ эцсийн автобусны буудал дээр иргэдэд сайжруулсан шахмал түлшийг танилцуулах өдөрлөг үргэлжилнэ. Засгийн газрын тогтоолоор 2019 оны 5 сарын 1-нээс эхлэн УБ-т түүхий нүүрс оруулахыг хориглосон. Үүнээс үүдэн иргэдийг утаагүй шахмал түлшээр хангах үүрэг даалгавар авсан “Тавантолгой түлш” ТӨХК-ниас шахмал түлш үйлдвэрлэж эхэлсэн. Иймд Монгол эрдэмтэн докторууд сайн чанарын шахмал түлш гаргаж авсан талаараа танилцуулга хийж, газар дээр нь зууханд түлж үзүүлнэ.

13:00 цагт

• Эрүүл мэндийн сайд Д.Сарангэрэл, Гэмтэл согог судлалын үндэсний төвд ажиллана. Энэ үeэрээ Хүүхдийн тасагт нэн шаардлагатай байдаг тэргэнцэр гардуулж өгнө. Утас: 99179899, 86885060

13:30 цагт

• Австралийн Засгийн газрын 100%-ийн тэтгэлэгт хөтөлбөрийн гэрээг сунгах арга хэмжээ Сангийн Яамны Хүндэтгэлийн танхимд болно.

14:00 цагт

• Эрүүл мэндийн яамны 215 тоот хурлын танхимд Эрүүл мэндийн даатгалын сангаас санхүүжүүлэн иргэдээ анх удаа Урьдчилан сэргийлэх эрт илрүүлэг, үзлэг, оношлогоонд оруулахаар болсон талаар мэдээлэл хийнэ. Утас: 99179899, 86885060