УДЭТ болон Блюмон төвийн гаднах зогсоолуудыг иргэдийн амрлах орчин болгоно
Нийслэлийн Засаг даргын 2018 оны “Хот тохижилтын талаар авах зарим арга хэмжээний тухай” А/777 дугаар захирамжийн хэрэгжилтийг хангах зорилгоор Сүхбаатар дүүргийн 1 дүгээр хороо, Улсын драмын эрдмийн театрын хойд талбай, мөн дүүргийн 08 дугаар хороо, “Бльюмон” үйлчилгээний төвийн зүүн талд байрлах талбайг орчин үеийн архитектур төлөвлөлтийн шийдлийн дагуу тохижуулж, иргэдэд амарч зугаалах орчинг бүрдүүлэх Ажлын хэсгийг Улаанбаатар хотын Ерөнхий менежерийн А/222 дугаар тушаалаар байгууллаа.
Ажлын хэсэгт 2018.09.06-ны өдөр хуралдаж, Улаанбаатар хотын Ерөнхий менежер Т.Гантөмөр тээврийн хэрэгслийн зогсоолын үйл ажиллагааг зохих журмын дагуу дуусгавар болгохыг Нийслэлийн Авто замын хөгжлийн газарт, тохижилтын ажлын төлөвлөлтийн шийдэл, даалгавар боловсруулахыг Нийслэлийн Хот төлөвлөлт ерөнхий төлөвлөгөөний газарт, газар эзэмшлийн байдалд судалгаа хийж, шаардлагатай арга хэмжээ авч ажиллахыг Нийслэлийн Газрын албанд тус тус үүрэг болгов.
Холбоотой мэдээ
Сэтгэгдэл ( 3 )
Төвийн энэ олон газарынхаа хэсэгт хэдэн сайхан олон давхар зогсоол барьчих л даа.., хааш хаашаа хэдхэн мэтр газар орно. Том талбайн хэрэг байхгүй. Бусад газараа амралт зугаалгын талбай болгож болно. Шийдэл байна. Хотод олон давхар гараж байхгүй б.
Зүйтэй, маш сайн шийдвэр болжээ. Энэ заваан мухлагийн худалдагч нар машин сэгээр бүх талбайг эзэлж байгааг ингэж цэгцлэх нь маш зөв
талбайн зогсоолыг дүүргэх гэж ядаж байнаа