С.Жавхлан гишүүн ”Улсын их хурал уу? Улсын их задрал уу?” нээлттэй хэлэлцүүлэг хийнэ

УИХ-ын гишүүн С.Жавхлан үндэснийхээ үйлдвэрлэлийг дэмжих уриалга гаргаж  “Манай Монгол мандана”  төсөл эхлүүлээд байгаа билээ. Тус төсөл өвлийн эхэн сарын шинийн нэгнээс хаврын эхэн сарын шинийн нэгэн хүртэл буюу 90 хоногийн хугацаанд үргэлжлэх юм.  Тэрбээр энэ талаар хэлэхдээ  "Үндэсний үйлдвэрлэл гэдэг нь зөвхөн гар урлал, эсгий урлахыг хэлэхгүй. Монгол эх оронд хийгдэж, бүрэлдэж буй шинэ оюун санаа цаашлаад сая мэндэлсэн хүүхдүүдээс эхлүүлээд Монголын хөрс шороон дээр монгол хүний ур ухаанаар бүтээгдэж байгаа бүхий л зүйлсийг үндэсний үйлдвэрлэл гэж хэлж болно. Үүнийг өргөн далайцтай хөдөлгөж чадвал өнөөгийн нийгэмд тулгамдаж буй хүндрэл бэрхшээлийг нийтийн хүчээр давах. Хатуу өвлийг эрсдэлгүй даван гарахад иргэддээ сэтгэлийн итгэл урам өгөх, үндэсний үйлдвэрлэгч,  хэрэглэгч нарын дундах хий зайг арилгаж дунд нь гүүр холбоос нь болох, зээлийн хүү, өр зээлийн дарамтыг нь судалж төрийн шат шатных нь байгууллагуудад хүргэх нь төслийн гол зорилго оршино. Монголчууд бид өнөөдөр хийж бүтээж чадвал маш том соёл ахуйтай бусдаас гуйж царайлах улс орон биш гэдгийг дээрх төслөөрөө батлан харуулах улмаар хүндрэлээс яаж улс нийтээрээ гарах, монгол төгрөгөө аварч эх орондоо зөв эргэлт бий болгох олон зорилгыг гаргаж тавьсан" гэсэн юм.

Тэгвэл  мөн энэ сарын 11,12-нд "Улсын их хурал уу? Улсын их задрал уу?" нээлттэй хэлэлцүүлгийг Төрийн ордны "Чингис хаан" танхимд зохион байгуулахаар болжээ.

Б.Алтжин