Засгийн газар тусгай зөвшөөрөл, лиценз олгох ажлыг ил тод, нээлттэй болгоно
2018 оны төсвийн төсөл, үүнийг дагалдан гарах бусад хуулийн төслийг УИХ-аар хэлэлцэхтэй холбогдуулан Монгол Улсын Ерөнхий сайд У.Хүрэлсүх чуулганы хуралдаанд үг хэлэхдээ тусгай зөвшөөрөл болон газрын наймаатай эрс шийдэмгий тэмцэхээ мэдэгдлээ. Шударга ёсыг алдагдуулж, олон нийтийн бухимдлыг байнга дагуулж ирсэн газрын наймаа, ашигт малтмалын тусгай зөвшөөрөл дагасан эмх замбараагүй байдлыг таслан зогсоох цаг болсон гэж Ерөнхий сайд үзэж байна.
Ашигт малтмалын тусгай зөвшөөрөл, газар эзэмших гэрчилгээг өргөдөл нэрээр шууд гарын үсгээр олгодог, цөөн хэдэн компани, хувь хүн хэдэн зуугаар нь эзэмшиж, түүнийгээ далд хэлбэрээр бэлэглэх, шилжүүлэх нэрийн дор худалдаж татвараас зайлсхийдэг буруу жишгийг Засгийн газар таслан зогсооно. Тусгай зөвшөөрөл, газар эзэмших гэрчилгээг ил тод нээлттэй, сонгон шалгаруулалт, дуудлага худалдааны зарчмаар олгодог байхыг тусгасан хуулийн төслийг батлуулснаар ирэх онд улсын төсөвт 36 тэрбум төгрөг төвлөрүүлнө гэж тооцоолжээ.
Тусгай зөвшөөрөл болон газар ашиглах, эзэмших эрхийн үндсэн ашиг хүртэгч, эцсийн эзэмшигч, шууд болон шууд бус шилжилт хөдөлгөөний мэдээллийг бүртгэн, хууль бус, далд болон шууд бус хэлбэрээр тусгай зөвшөөрөл, эрх шилжүүлэхэд татвар ногдуулахаар хуулийн төсөлд тусгасан. Татвараа тайлагнаагүй, холбогдох мэдээллийг нуун дарагдуулсан тохиолдолд тусгай зөвшөөрөл, газрын эрхийг нь цуцлах учир тусгай зөвшөөрөл болон газартай холбоотой далд, хууль бус үйлдэл буурна гэж Засгийн газар үзэж байна.
Тусгай зөвшөөрөлтэй холбоотой гомдол иргэдээс их ирж байгаатай холбогдуулан Уул уурхай, хүнд үйлдвэрийн сайд Д.Сумъяабазар тушаал гарган “Тусгай зөвшөөрөл олгох сонгон шалгаруулалтын журам”-ын хэрэгжилтийг түр хугацаагаар зогсоогоод байна.
2017 оны эхний хагас жилийн байдлаар ашиглалтын 1596, хайгуулын 1880, нийт 3476 тусгай зөвшөөрөл бүртгэгджээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Холбоотой мэдээ
Сэтгэгдэл ( 11 )
тусгай зөвшөөрөл сонгон шалгаруулалт нэрийн дор сайд дарга нарын ах дүү хамаатан танил талаараа авдаг Үүний төлөө сайдын суудалд залардаг нь нууц биш
Мөнгө багатай мань мэт нь хоосон хоцроод төрөөс төрсөн тэрбумтангууд мөнгөөр зодоод дуусах юм өна л да
30% татвараа бууруул. тэгээгүй цагт нуусар бх болно. компанитай шилжүүлж зараад 1 ч зоос төлөхгүй за
Бас л менгетэй хvмvvс авахын бна даа энэнээс емнехийн жишээ амьсгаа кадастрын дарга ухаантай тамираа мэтийн пацаануудыг шалга нэлээн хэдэн газрыг луйвардсан
Үе үеийн засгийн газар ингэж гарч ирээд л эсэргээрээ луйварын ашиглалтыг баталгаажуулж хамгаалж өөрсдөө хамт завшигчид болоод л дуусдаг юм даа, харж л байя.
Үе үеийн засгийн газар ингэж гарч ирээд л эсэргээрээ луйварын ашиглалтыг баталгаажуулж хамгаалж өөрсдөө хамт завшигчид болоод л дуусдаг юм даа, харж л байя.
Үе үеийн засгийн газар ингэж гарч ирээд л эсэргээрээ луйварын ашиглалтыг баталгаажуулж хамгаалж өөрсдөө хамт завшигчид болоод л дуусдаг юм даа, харж л байя.
хуудас цаасаар гэнэтхөрөнгөжсөн, хөрөнгөждөг байдлыг бүх шатанд таслан зогсоох тийм хуулийг ард олон хүсэн хүлээж байгаа шүү дээ?
Hurelsuh.saidaa.odoo..naad.litsentsee.zogsooj.uz.hairan.eh.oron.maani.litsenrs.ezemshigchdiin.gart.uregdej.duuslaa
Шал худлаа ярих юм. Хайгуулын талбайг сонгон шалгаруулалтаар олгоно гэдэг өөрөө маш том авилгал юм шүү дээ. Улс төрд нөлөөтэй том компанууд л авна гэсэн үг. Монголын бүх баялаг цөөн хэдэн хүний гарт орно гэсэн үг.