Амралтын өдрүүдэд долоон хүн золгүйгээр амиа алджээ

Нийслэлийн Цагдаагийн газраас мэдээлснээр наймдугаар сарын 24-25-ны амралтын өдөр цагдаагийн байгууллагад иргэд, аж ахуйн нэгж байгууллагаас гэмт хэрэг, зөрчлийн 1370 дуудлага, мэдээлэл бүртгэгджээ. Үүнээс гэмт хэргийн шинжтэй 46 үйлдлийг холбогдох нэгжүүд шалган, 41 хэргийн эзэн холбогдогчийг илрүүлсэн байна. Түүнчлэн нийслэлд золгүй байдлаар 7 хүн нас баржээ. Мөн булаах гэмт хэрэг 1, хүчиндэх гэмт хэрэг 1, хулгайлах гэмт хэрэг 11, танхайрах гэмт хэрэг 5, зам тээврийн хэрэг 20, осол 10 гарчээ. Үүний улмаас 23 хүн гэмтэж, нэг хүн нас барсан байна.