Үсээ засуулбал аз жаргал ирнэ

Аргын тооллын 2014 оны дөрөвдүгээр сарын 25. Баасан гараг. Билгийн тооллын26. Шувуун хошуут одтой улаан бар өдөр. Наран: 6.00 цагт мандаж, 20.00 цагт жаргана.  Тухайн өдөр морь, нохой жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр гэмтнийг гэсгээх, хараал, жатхыг буцаах, өглөгийн түллэг хийх, хишиг дуудуулах, хот балгадын үйл, цэрэг цагдаагийн үйл, гэр байшингийн суурь тавихад сайн. Золиг гаргах, бөө, удганы үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирнэ.