Нохойгоо салхилуулж яваад эртний алтан зоосны цуглуулга олж, баяжжээ

Умард Калифорний гэр бүлийн нэгэн хос нохойгоо салхилуулж яваад модны ёроолоос бөөн алтан зоос олжээ. 

Нийт 1427 ширхэг алтан зоос олдсон бөгөөд бүгдийг 1847- 1894 хооронд үйлдвэрлэсэн байсан аж. Уг нь мэргэжилтнүүд эдгээр зоосыг 27 мянган доллар гэж үнэлсэн.

Гэхдээ зарим зоос маш ховор тул зоос цуглуулагчдын үнэлгээгээр 1 ширхэг нь 1 сая доллар хүрэх гэнэ. Тэгээд ч бүх зоос гэмтэж муудаагүй, шинээрээ юм байна. Иймээс зоосны цуглуулга 10 сая гаруй долларын үнэ хүрэх аж. 

Азтай хосын нэр усыг зарлахгүй байгаа ч дунд зэргийн насных гэнэ. Тэд хөдөөгийн энэ нутагт хэдэн жилийн өмнө газар худалдаж авсан бөгөөд эндээс л нөгөө алтан зоосны цуглуулгаа олжээ. Хэн хэзээ ийм эрдэнэсийн санг нуусныг тэд хэлж мэдэхгүй байна. 

Харин зоосны салбарын мэргэжилтэн Дэвид Маккарти "Эдгээр зоосыг нуусан хүн уул уурхайн олборлох үйлдвэрлэлтэй холбоотой байсан байх” гэж мэдэгдлээ. 

Саятан болсон хос ихэнх зоосоо зарахаар төлөвлөж байгаа бөгөөд түүгээр өрөө төлж, мөн буяны үйлст хандивлах гэнэ. 

Харин эдгээр алтан зоосыг зарахын өмнө Америкийн зоос цуглуулагчдын нийгэмлэг олон нийтэд дэлгэн үзүүлэхээр шийдсэн аж. Үзэсгэлэн пүрэв гарагт Атлантад нээгджээ.