Зүүн тийш зорчиж болохгүй

Сүхбаатар аймгийн Онгон суманд 2014 оны нэг­дүгээр сарын 27-нд шүлхий өвчин анх гарснаар өнөөдрийн байдлаар Сүх­баатар аймгийн тав, Хэнтий аймгийн нэг, Дорно­­говь аймгийн таван суманд 2 812 үхэр өвчлөн 2803 үх­­рийг зориудаар устгаад бай­на.

Дээрх сумдын нийт 2 173 792 толгой малд шүл­хий өвчнөөс урьдчилан сэр­­гийлэх вакцин хийж, хо­рио цээрийн дэглэм тог­­тоожээ. 

Дорноговь айм­гийн Айраг, Сайншанд сумдад олон улсын хорио цээрт мал, амьтны гоц халдварт шүлхий өвчин гарсантай холбогдуулан хорио цээ­рийн дэглэм тогтоож, Улаан­­баатар-Сайншанд, Улаан­­­баатар-Замын-Үүд чиглэлд сууд­лын авто­­машин болон таван тон­ноос доош даацын тээв­рийн хэрэгслийн хө­дөл­гөөнийг 2014 оны 02 дугаар сарын 24-ний өдрөөс эхлэн хяз­гаарлах тухай Дорноговь аймгийн Онцгой байдлын комиссын даргын шийдвэр гарчээ.

Мөн нийслэлийн Бага­хангай дүүргээс зүүн тийш зор­чих боломжгүй болж байгаа аж.

Тиймээс нийс­лэлийн иргэд, жолооч та бүхнийг хорио цээ­рийн дэглэм, тээврийн хэ­рэгс­лийн хөдөлгөөний хяз­гаар­лалтыг албан ёсоор цу­цалтал дээрх аймгийн нутаг дэвсгэрт зорчихгүй, мал, амьтны шилжилт хө­дөлгөөн хийхгүй байхыг анхааруулж байна.