Бусдаас 552 мянган ам.доллар залилсан Э.Ариунсанааг эрэн сурвалжилж байна

"Алтай центр"-ийн захирал З.Авдалыг залилан мэхэлж 250 мянган ам.долларыг нь аваад ор сураггүй алга болсон Э.Ариун­санааг Эрүүгийн цагдаагийн газ­раас улс даяар эрэн сур­валжилж эхэлжээ. Э.Ариунсанаа нь 2008 онд Д.Болд, Н.Энхсайхан нартай нийлж иргэдээс хоёр сая ам.дол­лар залилсан байна. Тэднийг УМБГ-ын хүнд гэмт хэрэгтэй тэмцэх хэлтсээс эрүүгийн хэрэг үүсгэн шалгаж байжээ. Гэтэл 2010 онд Э.Ариунсанаа нь батлан даалтад байх хугацаандаа оргосон байна. Мөрдөн байцаалтын үеэр оргож явахдаа иргэн Баттогтохоос  төм­рийн хүдэр зарна хэмээн 300 мянган ам.доллар залилжээ. Мөн "Алтай центр"-ийн захирал З.Ав­далд хотын төвд үл хөдлөх хөрөнгө барих газар зарах нэрийдлээр 250 мянган ам.долларыг нь залилсан байна.