Сочигийн Олимпийг саадгүй үзэх боломжтой

“Сочи-2014” өвлийн XXII Олимпийн наадам тийш дэлхийн үзэгчид хараагаа чилээж байна. Мэдээж манай Монголын үзэгчид ч ялгаагүй. Түүнчлэн өвлийн Олимпийг дотоодын TV-5 телевизээс гадна олон улсын спортын сувгууд дамжуулж байгаа ч, зарим IPTV үйлчилгээний хэрэглэгчдээс О.Магнай даргатай ШӨХТГ-т гомдол гаргасан байгаа юм. Тухайлбал,  “Юнивишн”-ий хэрэглэгчид олимпийг шууд үзэх суваг байхгүйтэй холбоотойгоор Олимпийн наадмыг саадгүй нэвтрүүлэх боломжийг бүрдүүлж өгөх талаар хандсан аж. Тэгвэл ШӨХТГ-аас TV-5 телевиз болон Юнивишн компанийнхантай уулзаж, асуудлыг шийдсэн байна. Улмаар Юнивишний 49 дүгээр  суваг, Сансар HD кабелийн телевизүүдээр өвлийн Олимпийн наадмыг үзүүлэхээр болжээ.