Сноуден Нобелийн энх тайвны шагналд нэр дэвшжээ

Норвегийн парламентын гишүүн Борд Вегар Сульелл, Снорре Вален нар АНУ-ын Үндэсний аюулгүй байдлын агентлагийн хуучин ажилтан Эдвард Сноуденийг Нобелийн энх тайвны шагналд нэр дэвшүүлжээ. Түүний ил болгосон нууц материалууд дэлхий нийтийн чихийг сортойлгож, энэ тайван цаг улс орнууд нэг нэгнээ тандаж байгааг ил тод болгоход хувь нэмэр оруулсан гэж тэд үзэж байна. Сноуден Нобелийн энх тайвны шагналд хоёр жил дараалан нэр дэвшиж байгаа юм. Норвегийн Нобелийн хорооноос өнгөрсөн жил Сноудений нэрийг энх тайвны шагналд дэвшүүлэх саналыг Шведийн профессор Стефан Сваллфорсод гаргаж байжээ.