Аспирин агуулсан Минигрип-п хүүхдийг үхэлд хүргэх аюултай

АНУ-ын эрдэмтэд аспирин агуулсан эм бэлдмэлүүд хүүхдэд өгөх нь хортой гэж үзжээ. Учир нь хэт өндөр халуурч, эсвэл вирусын халдвар авсан тохиолдолд аспирин агуулсан бэлдмэл хэрэглэснээр элэг, тархийг гэмтээж, цаашилбал үхэлд хүргэх аюултай гэнэ.

Манай улсын хувьд аспирины хэрэглээ байсаар байгаа бөгөөд хүүхдэд аспирин, аспирины 80 хувийн агууламжтай минигрип-п эмийг өгдөг. Эмч нар ч жор бичихдээ үүнийг заавал оруулдаг.

Гэтэл энэ эмийг хэрэглэхийг АНУ болон Европт бүр мөсөн хориглосон ба анхааруулга болгох үүднээс америк эрдэмтэд үүний хор нөлөөг нотолсон судалгааныхаа тайланг албан ёсоор танилцуулжээ.

Минигрип-п эмийг Индонези улсад үйлдвэрлэдэг. 80 хувийн аспирин, 20 хувийн глицин агуулсан эм юм. Зөвхөн хүүхдэд зориулсан, амтлаг учраас хүүхдүүд уухаас дургүйцдэггүй. Гэтэл аспирин нь дээр дурдсан хор нөлөөтэй бол глицинийг жирэмсний эхэн үед хэрэглэвэл урагт гаж нөлөө үзүүлдэг нь тогтоогдсон.