Монголын зэвсэгт хүчний нууцыг оросуудад задалжээ

Оросын baikal-daily.ru сайтад Монголын Зэвсэгт хүчний зэвсэг, техникийн талаар “Танкийн паркт нь Т-54, 170 Т-55, 280 Т-62, 50 Т-72А маркийн 200 ширхэг танк, 150 БРДМ-1, 420 БМП-1, 20 БТР-80, 40 БТР-70, 350 БТР-60, 200 БТР-40, 50 БТР-152 маркийн 120 хуягт машин, артиллерийн ангиудад 140 мина шидэгч, 250 орчим зөөгч пуужин (түүний дотор 130 БМ-21), 700 хүртэлх тооны танк эсэргүүцэгч, нисэх хүчинд нь Ми 8  нисдэг тэрэг 11 ширхэг” гэж тун тодорхой бичжээ. Хэдэн жилийн өмнө Хятадын армийн талаар ийм дэлгэрэнгүй мэдээлэл гарсанд дэлхий даяар бөөн юм болж байж билээ.

Яагаад гэвэл ийм төрлийн мэдээлэл нууц ангилалд багтаж, төрийн хамгаалалтад ордог. Гэтэл Оросын захын нэг сайтад Монгол Улсын батлан хамгаалахын салбарын 70 булчирхайг тооцсоныг харвал манайд нууцын зэрэглэл гээч ойлголт байхгүй мэт. Батлан хамгаалахын яам, Үндэсний аюулгүй байдлын зөвлөл, Тагнуулын Ерөнхий газар гээд сүрхий сүрхий байгууллагууд тив алгасаж хүн хулгайлаад л байдаг юм билээ. Гэхдээ энэ зэргийн мэдээллээ хямгадаад байж чаддаггүй юм байх даа.