7 минут тутамд нэг монгол хүн хорвоод мэндэлж байна

2013 оны арванхоёрдугаар сарын 31-ний 15:00 цагийн байдлаар Монгол Улсын хүн ам 2,929,248 боллоо гэж Үндэсний статистикийн хороо мэдээллээ. Нарийвчилсан тайлангаас харахад одоогийн байдлаар манай улсад 7 минут 36 секунд тутамд нэг хүн төрж, 28 минут 39 секунд тутамд нэг хүн нас барж байгаа аж. Үүнээс гадна нэг сайхан мэдээ дуулгахад, энэ онд монголчууд олон жилийн дунджаас их төржээ. Өөрөөр хэлбэл, дундаж тооноос 80 мянгаар илүү төрсөн байна.