Ходорковский “Pussy Riot”-ын рокеруудад баяр хүргэв

Кремлийг зоригтой шүүмжилсэн учраас төрийн гэмт хэрэгтэн болсон Михайл Ходорковскийг өнгөрсөн долоо хоногт өршөөлөөр сулласан. Тухайн үед Засгийн газар болон Ерөнхийлөгчид талархал илэрхийлж, өөрийгөө засарсан гэж байсан Ходорковский дахин дэггүйтэж эхэлжээ.

Тэрбээр Ерөнхийлөгчийн бодлогыг шүүмжилснээсээ болж шоронд хоригдсон “Pussy Riot” хамтлагийн охидод “Хүндэт бүсгүйчүүд ээ, Өнгөрсөн нэг сарын хугацаанд та нар чухам ямар тамд амьдарсныг би ойлголоо. Гэхдээ би энэ бүх яргалал одоо ч байгаа гэдгийг мэдэж авсандаа тун таатай байна. 21 дүгээр зуунд соёлт Европын оронд ийм олиггүй зүйл байсаар ажээ. Та нар бусд хулчгарын хийж чадаагүйг хийсэнд баяр хүргэе” гэжээ.