Архины тусгай зөвшөөрлийг түр хугацаагаар олгохгүй

НИТХ-ын Тэргүүлэгчдийн ээлжит хуралдаанаар архи, согтууруулах ундаа худалдах, түүгээр үйлчлэх тусгай зөвшөөрлийг түр хугацаанд зогсоох шийдвэр гаргажээ.  Архины нөлөөллийг бууруулж, архи худалдаалдаг цэгийг багасгах зорилгоор "Архины хяналтын тухай хууль"-ийг УИХ-аар хэлэлцэхээр болсон. Харин энэ хууль батлагдах хүртэл архи, согтууруулах ундаа худалдах түүгээр үйлчлэх тусгай зөвшөөрлийг шинээр олгохыг түр хугацаанд  зогсоохоор болсон аж. Одоогийн байдлаар нийслэлийн хэмжээнд 600  гаруй аж ахуйн нэгж архи согтууруулах ундаа худалдах, түүгээр үйчлэх тусгай зөвшөөрөлтэй байгаа гэнэ.