Нарантуулд гэнэтийн шалгалт хийжээ

МХЕГ-аас “Нарантуул” худалдааны төвд гэнэтийн шалгалтыг хийсэн байна. Тус газраас энэ талаарх мэдээллийг сэтгүүлчдэд хүргэсэн юм. Шалгалтаар эрүүл ахуйн шаардлага болон, орчны бохирдол, хүнс худалдаа үйлчилгээний стандарт зэргийг шалгажээ. Тус захын хашааны хажууд ил бие зассан, хог ихтэй, орчны цэвэрлэгээ муу гээд нэлээд зөрчил илэрчээ.

Мэргэжлийн хяналтын байцаагч нар захын удирдлагуудад энэ талаар шаардлага хүргүүлж байсан ч залруулаагүй өдийг хүрсэн байна. Тиймээс энэ удаад захиргааны арга хэмжээ авахаар боллоо. Үүнээс гадна “Нарантуул”-д салютын худалдаалж байгаа эсэхийг болон түргэн хоолны газруудын ариун цэврийг шалгаад хангалтгүй гэж үнэлжээ. МХЕГ-ын байцаагчид "Дүнжингарав" худалдааны төвийг мөн шалгаж байна.