Т.Билэгтийг Интерполоор эрэн сурвалжилна

МАХН-ын дарга Н.Энхбаярын хууль бус хувьчлалын хэрэгт хамсаатан гэгдэх хүмүүсийг Интерполоос дахин эрэн сурвалжлахаар болжээ. Авлигатай тэмцэх газраас ОУ-ын цагдаагийн газар буюу Интерполд Н.Энхбаярын дүү Н.Энхтуяа, туслах Б.Хуяг, НИТХ-ын дарга асан Т.Билэгт нарыг эрэн сурвалжлуулах хүсэлтийг албан ёсоор илгээсэн байна. НИТХ-ын дарга асан Т.Билэгтийг Н.Энхбаярын хэргийг шалгаж эхлэх сургаар гадаад руу эмчилгээнд явсан гэгддэг ч одоогоор түүнийг хаана амьдарч байгаа талаарх мэдээлэл байхгүй байгаа юм.